美食節買了泰國藍象 Blue Elephant 咖喱醬汁 🇹🇭🐘
今日煮黃咖喱雞
除了現成的咖喱醬汁包，我都喜歡自己再加些料
包裝背後有中文英文說明連圖，不會太難煮
咖哩包上面的圖示介紹只需要加肉煮熟，大約 5 分鐘就煮好
想食得貼近餐廳 level，一於再加多 d 料，落多點功夫
最簡單直接就是去超市看看有無泰式香料包
一 pack pack 乜料都有
如果無，就自己執料加工 🤟🏻
- 乾蔥 --> 切半
- 香茅 --> 切條
- 南薑 --> 切片，拍一拍薑片
- 九層塔
- 檸檬葉 --> 切條
- 紅綠辣椒
- 泰式茄子 --> 切件
- 青檸
- 椰漿
- 肉
- 海鮮 (有時間就買新鮮，無就急凍)
- 雞脾菇
至於肉類，基本上乜肉都可以，今次就用了雞扒肉 🐥
雞扒切件，簡單用麻油、豉油、胡椒粉、生粉醃一陣
想更加貼近泰國口味，可以加些泰式茄子 🇹🇭🍆
這種就要街市雜貨舖 / 阿布泰 睇睇
茄子容易氧化
差不多開始煮，先切，切開後要浸清水，減慢氧化
所有材料有齊，開始煮啦！
Step 1: 先用橄欖油熱鍋 ♨️
Step 2: 將雞扒煎到半熟，取出 🐥🔥
Step 3: 用返同一個鍋，將海鮮煮半熟，取出 🔥
Step 4: 用返同一個鍋，將香料 (香茅、乾蔥、南薑、紅綠辣椒) 爆香
千祈唔好爆埋 🌿 香葉（檸檬葉、九層塔），咁香葉會無曬香味
爆到香味出來，香料留鍋
Step 5: 將香料推埋一邊，加入泰式茄子，炒至半熟
Step 6: 加入咖哩包和雞脾菇
Step 8: 加一盒椰奶 🥥
一加入椰奶，整煲黃色咖哩變了奶色
Step 9: 當雞扒、茄子、海鮮、雞脾菇全熟
加 🌿 香葉（檸檬葉）
煮到滾起，加入青檸汁 🍋，熄火
Step 10: 加入 🌿 九層塔，馬上冚蓋，焗一焗
成功還完泰式黃咖喱雞 👏🏻
上次煮完青咖喱諗緊哪一間超市有賣泰國藍象醬料
因為這次去了阿布泰買泰式茄子
竟然見到一系列的泰國藍象醬料！
阿布泰同時有賣泰式粉麵
選了一包尖竹汶粿條，類似金邊粉？
google 一下，尖竹粿條 = pad thai = 金邊粉
不過包裝袋背後寫是沙河粉，可以炒 / 煮河湯
是但啦
按包裝煮食說明，直接將麵條放入滾水煮 6 - 8 分鐘
呈現鬆軟狀態，就可以將水倒走
因為我們要撈咖哩食
所以在麵條上加了橄欖油，防止麵條與麵條之間黏着
