翡翠拉麵小籠包初秋 menu 一共有 8 款限定蟹粉佳餚
兩個人只試得 2 款：蟹粉小籠包、蟹粉鍋貼 🦀
蟹粉小籠包 🦀
橙色蟹粉點在小籠包頂，蟹粉黃油沿小籠包頂向下流
隔住小籠包皮都見到橙色湯汁
咬開有蟹的鹹鮮味，鮮香濃郁
肉餡裏面有埋蟹肉絲
抵食！
蟹粉鍋貼 🦀
是蟹粉小籠包的熱氣版
隻隻都脹卜卜
鍋貼皮煎到脆卜卜
咬開仲有肉汁，餡香湯鮮
鎮江排骨 🐷
以小食前菜來說，份量是比較多
叫碗麵 (牛肉麵以外)，配這碟排骨，好夠飽肚
整得幾好食，次次都好容易地骨肉分離，調味酸甜適中
不過今次排骨肉質偏韌和乾身
酸辣湯拉麵 🍜🌶️
入口酸酸地，幾開胃
隨後的辣是從頭 keep 到尾，慢慢辣上去
配料意外地多，有豆腐、木耳、雞絲、豬紅切成細細粒
感到像食碗仔翅加辣
除了普通麵條，可以選擇龍鬚麵 / 三角拉麵
感覺龍鬚麵會比較幼身，容易掛湯
事實也如此，麵條都幾好食
份量多，剪麵會容易 share
最後，要了杯凍豆漿
始終有豆漿，先有食上海菜的感覺 😌
