上海姥姥排隊不用取票，直接在餐廳右邊排隊入座
雖然隊伍比較長，但都排得快
今日超肚餓，所以無等所有食物到齊先影相 🙉
招牌小籠包
侍應將一籠小籠包放下時，見到湯汁仍然在包皮裏面盪漾
所以取出小籠包時，要輕輕用力，以免穿左
皮未算最薄，口感 okay，只是肉餡食到最後有少少乾身
當家花雕醉雞
醉雞有酒香，但入口不會有好強烈的酒精味
雞好滑，少肥，有肉食，有少少鹹味調味
斬件斬得好，無碎骨和血塊漏出
雞無腥味先係重點
鎮店酸菜深海鱸魚
menu 寫有一隻辣椒仔的辣度 🌶️
但完全不辣，有酸味和少少麻味
以這種辣度，下次可以食水煮系列 😎
主角魚片，無骨，滑溜
隨手筆一羹，全部都係料
有薯粉、蓮藕片、豆腐皮、金菇
薯粉夠 2 人食
豆腐皮偏硬，應該要再煮耐少少(？)
金菇的份量都比較少，切得有點碎
最後，要了杯凍豆漿
始終有豆漿，先有食上海菜的感覺 😌
