美食節見到有檔賣泰國藍象 Blue Elephant 醬汁 🇹🇭🐘
象仔 logo 好熟口熟面，但記不起在哪裏見過
包裝都幾是正，背後有中文英文說明連圖
買包試下自己煮都不太難 🤔
咖哩包上面的圖示介紹只需要加肉煮熟，大約 5 分鐘就煮好
想煮得好食，就要落多點功夫
一於再加多 d 料 😎
最簡單直接就是去超市看看有無泰式香料包
一 pack pack 乜料都有
如果無，就自己執料加工 🤟🏻
- 乾蔥 --> 切半
- 香茅 --> 切條
- 南薑 --> 切片，拍一拍薑片
- 九層塔
- 檸檬葉 --> 切條
- 泰式茄子 --> 切件
- 青檸
- 椰漿
- 肉
至於肉類，基本上乜肉都可以，今次就用了雞扒肉 🐥
雞扒切件，簡單用麻油、豉油、胡椒粉、生粉醃一陣
想更加貼近泰國口味，可以加些泰式茄子 🇹🇭🍆
這種就要街市雜貨舖 / 阿布泰 睇睇
所有材料有齊，開始煮啦！
Step 1: 先用橄欖油熱鍋 ♨️
Step 3: 用返同一個鍋，將香料 (香茅、乾蔥、南薑) 爆香
千祈唔好爆埋 🌿 香葉（檸檬葉、九層塔），咁香葉會無曬香味
爆到香味出來，香料 (香茅、乾蔥、南薑) 留鍋
Step 4: 直接加入咖哩包
倒出來就見到裏面的確有不少香料和香葉 😲
Step 5: 咖哩醬煮熱，就可以加入雞扒 🐥
第一次煮，怕咖哩包上面的 3 隻辣椒仔辣度會好辣 🌶️🌶️🌶️
Step 7: 於是特登加咗一盒椰奶 🥥
剛好街市雜貨舖是由泰國人主理
她推薦使用這款印尼椰漿 santan kelapa siap pakai
santan kelapa (椰漿) siap pakai (ready to use)
的確比甄想記高達椰漿更香濃，更好味
一邊煮，一邊聞到好香，煮完個椰漿甜味都 keep 到
Step 8: 當雞扒全熟，加 🌿 香葉（檸檬葉）
Step 9: 煮到滾起，加入青檸汁 🍋，熄火
Step 10: 加入 🌿 九層塔，馬上冚蓋，焗一焗
想顏色靚仔 d，可以加條紅和青色辣椒仔
加埋蝦片，成功還完泰式青咖喱 👏🏻
加了椰漿的青咖哩就淺色好多
用白色碟上菜無咁好睇
如果有其他深色碟，視覺效果會更好
買醬的時候，一開始只打算買 2 包
檔攤的姐姐話：2 包咁少？！
大家不要誤會，她當時的語氣是係怕我哋唔夠
於是我們拎多 2 包 (因為未煮過，唔敢買多)
但檔攤的姐姐的樣子仍然很好疑惑
當時我們都不明白
直到回家自己煮，頂，早知買多幾包，揀多幾款 😂
