壹匯中菜廳上一手是譽宴酒樓，再前身是美心皇宮
感覺自從美心皇宮結業後，這個舖位的酒樓都做唔長
酒樓一樣咁大間，晚飯時間入座率都偏低
平日夜晚不需要提前訂位
晚市無咩人食，食物選擇都不多
如果遲 d 有火鍋，應該會多返 d 客人？
$78 片皮鴨，一樣有青瓜、京蔥配料
出面未必食到這個價錢
片得同出面一樣大塊
無打虎頭
鴨比較瘦，皮和肉之間無咩脂肪
仲可以加 $10 要返個鴨殼
配料無得 refill，可以加 $10 要多碟
一份片皮鴨有兩籠餅皮
出面餐廳的餅皮是一塊圓形
這裏一塊圓型，切開一半，半圓形
份量剛好與切出來的鴨肉一樣，不會有皮剩下
另外，要了一份孖寶：清蒸生猛海斑、醬皇一品燒雞
快手手食完第一轉片皮鴨，再食魚，魚肉都無變硬
而條魚食到最後都無變腥，實在難得
無想到燒雞都幾滑溜溜
雖然有碟像豉油的醬汁，不點醬食都得
最後，叫多一碟黃金炸脆鱔
原來鱔片都可以炸來食，咬開充滿魚油，肉質超滑溜溜
一人一件就啱啱好夠飽了
唯獨嫌黃金不是鹹蛋黃醬那種質地，反而當成粉灑在炸魚肉上面
