之前聽人講大圍火車站出面，
有間日本餐廳因為業主加重租，被迫結業了
以為是 大豐日本料理
入坐先知搞錯左，那間餐廳早已在 9 月結業了
牆上畫上貓貓圖
環境裝修一般
連食物都一般
蝦壽司
正常發揮
menu 是將蝦切開平開，實物就咁將隻蝦放在飯面
不過 menu 都有寫圖片只供參考 🤷🏻
火焰醬油三文魚壽司
連埋魚皮一齊燒，幾特別
鐵板燒牛舌
牛舌味道是淡某某的
應該是先烚淋，然後再煎？
所以牛舌口感好淋，但無香煎過那種鑊氣
唯有與乾蒜片、洋蔥條一齊食，先有味道
有老人家的話，這種牛舌就啱佢哋食
鰻魚芝士卷
鰻魚偏薄和瘦，好大陣腥味
如果無鰻魚，個卷物會正常好多好 😅
味噌蠔鍋
menu 圖片完全與實物不乎
上菜擺盤真係好核突下
蠔是有 4 隻，全部煮都縮曬水，一咬超臭
鍋物另有豆腐一片、蔬菜、冬菇一隻開半、薯粉
今餐伏到喊出黎 😭
其他食客主要食丼飯、便當、烏冬 set
好明顯我們唔識叫，或者期望過高
這餐只是超普通的小店質素，純粹食飽肚是可以的
可能餐廳要入d 靚少少和調整一下煮食心態
