8 號風球下的新鮮活韓國松葉蟹餐 🇰🇷🦀
生勾勾的韓國松葉蟹坐凌晨飛機黎香港 ✈️
8 點幾落飛機，清埋關大約 10:30am 左右就黎到屋企
蟹殼仲係橙紅色，隻隻蟹都差唔多 💯
快快手手影張相，就放入雪櫃普通格，將溫度再調低一點
新鮮生勾勾的松葉蟹
不會似街市養的蟹，眼睛會有反應
反而隻手係佢面前 fing 兩 fing 👋🏻
佢個嘴會上下喐，腳都會舉高舉低
大約 6:00pm，將蟹從雪櫃取出
如果開始噴泡泡，就要馬上處理 🆘
兩隻蟹都用清水簡單洗洗 💦
用刷仔擦一擦 🧽
一隻清蒸，一隻用日式煮法
清蒸活韓國松葉蟹
大火滾起，蒸 15 - 20 分鐘
就原汁原味
下圖純粹 show 大火滾起效果
記得將蟹返轉，蟹肚向天，先好蒸
另一隻就多用 d 功夫 💪🏻
開蟹蓋、劏蟹、蟹身切件、生剝蟹腳
開蟹蓋
開蟹蓋之前要剪走蟹奄 ✂️
處理蟹蓋
蟹蓋一開裏面有深色水，倒走
去除蟹心(一舊白色類似星形的東西)、內臟
清洗蟹蓋
小心唔好沖走 d 蟹膏
劏蟹
翻轉隻蟹，蟹肚向天
隻蟹會望住你，心無雜念，把刀對正蟹身中間一野劏落去 🔪
之後就用手將蟹身左右擘開
聽到清脆的卡卡聲 💥
蟹身分成左右 2 份
此時會見到蟹膏黏着蟹身
處理蟹膏
如果你少處理新鮮蟹，望落蟹膏黏着蟹身，感覺不易取出
其實新鮮蟹膏好滑溜溜
用輕輕力刮就甩出來 👍
蟹膏用水沖洗一下
要隔走 d 水，一陣燒蟹蓋會有好多水跑出來
松葉蟹蟹膏洗乾淨後
是偏綠色，形狀是一梳梳的 💚
處理蟹身和蟹腳
蟹腳就沿著關節剪開
拆蟹肉先煩 😵💫
搞掂曬就可以一蟹 3 食
煮法次序
1️⃣ 昆布木魚蟹肉粥 🍚
2️⃣ 蟹膏蟹肉甲羅燒 🔥
3️⃣ 昆布木魚蟹高湯白灼生松葉蟹腳 🦶🏻
活韓國松葉蟹粥
材料非常簡單，只有白米、熟蟹肉、昆布木魚高湯
白米預先浸 1 小時
昆布和木魚就在超市買到
昆布木魚高湯預先在下午煲定
昆布上面的白色粒粒，是昆布味道的所在
千其唔好沖水，可以用乾布 / 紙巾輕輕抹走灰塵
直接用凍水浸出味，浸的時間越長越好 ⏳
浸至少 30 分鐘
用中小火煲昆布水，煲到有蝦眼水狀態
轉大火煲滾，熄火
馬上將昆布撈起，加入木魚片
開中火煲，煲 2 - 3 分鐘，熄火
等木魚片沉澱
用隔篩和濾紙 (咖啡濾紙都得) 將這煲高湯過濾
無濾紙就會有湯渣碎粒
攤凍備用 / 雪成冰粒過一兩星期用都得
個湯底清到呢 😲
要煲粥啦 🍚
先用油爆香蟹件
加洋蔥粒都得 🧅，蒜粒就太濃味蓋過蟹鮮味 🧄
見到蟹殼有少少紅色，就可以倒清酒 🍶 和昆布木魚高湯 🫖
大火將蟹件煲 5 分鐘
再轉小火，煲多 10 分鐘
撈起蟹件拆肉
蟹肉攤凍會更容易拆
拆蟹肉的工具在文未
此時昆布木魚高湯就會帶有蟹鮮味
加浸好的米，煲 30 分鐘
煲多 5 分鐘，熄火後加蔥花
想上枱靚仔 d 就可以將熟蟹肉放在蟹粥面
活韓國松葉蟹蟹膏蟹肉甲羅燒
蟹蓋洗淨，用廚房紙吸一吸水份，然後用錫紙包住蟹殼外面
用油撈一撈蟹膏，以免焦底
當蟹膏開始熱的時候，就加入清酒 🍶
直到差不多燒，加熟蟹肉撈埋
燒到乾水
今次見到水汪汪，因為無完全隔走蟹膏的水 😪
煮的過程不需要再加鹽
上枱前加蔥花
出面餐廳賣的甲羅燒都是深啡色
因為加了味噌與蟹膏撈埋一篤野再燒
燒出來，就變得好深色 🤎
自己屋企整，可以唔洗食得咁鹹
所以無落味噌 👩🏻🍳
活韓國松葉蟹腳
左手揸住蟹腳，用薄刀片走蟹腳白殼
白殼是軟身的，刀夠薄就片得起
繼續左手揸住蟹腳，右手負責扯蟹肉出來
可以用左手手指要幫手慢慢將蟹肉推出
蟹肉收縮先可以做成蟹肉一粒粒凸出來
係松葉效果呀 🌿
係日本就敢食蟹腳刺身
就算宜家新鮮空運到屋企，都是自己煮熟曬比較穩陣
簡單用昆布木魚蟹高湯拖一拖熟蟹腳
白灼過，蟹肉仍然是松葉效果
仲索埋昆布柴魚湯味
蟹肉超爽彈牙
活韓國松葉蟹 配咩汁食好？
新鮮蟹肉好鮮甜，有 d 海水味
不沾醬汁都得
若然一定要配汁食，可以用蟹醋
無的話，用柚子醋 🍊 都可以帶出蟹鮮味
拆蟹肉好似好煩，有咩工具可以節省時間？
拆蟹肉的確好花時間
蟹越細，蟹肉越難拆，又夾雜蟹殼碎
想容易一點
一定是攤凍曬 d 蟹肉先拆
然後用 12 蚊店買的蟹叉
最好搵多個人來拆 👫
