之前來過食 lunch 和 dinner 都好多人
所以今次都特登訂枱
但來到的時候，除了我們，就只有另外三枱客
這樣都有個好處：食物的質素比之前人多的時候還要好
野食好大碟，性價比高
Cafe 仍然 keep 住趣味裝修
menu 就更新了，之前出位的說明都沒有了
❶ 小食拼盤(細)
有薯角、雞翼、鱈魚條，配甜甜地的茄汁
上枱熱辣辣，等齊所有嘢食再打埋卡，都仲係脆口
❷ 喇沙海鮮薄餅 🍕
每一塊都有舖了好多海鮮 (魷魚、蝦)
竟然有埋豆卜，焗到脆卜卜
好還原到喇沙海鮮，但喇沙味道不突出
❸ 黑漆漆海鮮意大利粉 🦑
賣相的確幾靚，擺碟很有心思，用香料條串起墨魚圈
然後在意粉上平均放上帶子和蝦
食落墨汁不腥，意粉好香蒜味
不過調味偏甜，有種拿錯糖當鹽用的感覺 😂
❹ Rainbow Seven x 2 💛💜
飲品味道無伏：黃色芒果味 🥭、紫色莓味 (似利賓納)
各有一球 vanilla 雪糕
在雪糕和飲品中間，有一層 cream 分隔着
