韓劇經常見到劇中不時 zoom in 角色飲一包包 / 一支支保健飲品
這種植入廣告重複又重複
久而久之興起飲保健飲品的潮流
原料由固有的紅蔘，擴闊至蔬菜和水果，發現到對人體有健康的價值
一包包 / 一支支 set 好了每日攝取份量，方便攜帶，即開即飲
方便過買一支支濃縮，要自己開水 / 粉狀要自己加水
紅石榴本身是個比較麻煩的水果
不是話一切就可以即食
要先將紅石榴搓圓撳扁
切開後，先會容易將裏面的獨立的一粒粒果肉取出
果肉偏細粒，每粒果肉裏面有石榴籽
直接食只會啜到中間的果汁出來，食埋石榴籽落肚
其餘就會變成渣，但石榴籽食得多會傷腸
所以最好的食用方法就用就是將果肉和石榴籽打成果汁
紅石榴有助抗衰老、抗氧化
而最大的營養價值來自石榴籽核
提供人體每日所需 48% 維他命 C
不過一個紅石榴不足夠打一杯果汁
今次試 韓國 BOTO 紅石榴汁，標榜 100% 高濃度
一包已經足夠每日人體所需
一箱 30 包，得閒記得就飲
購買這類高濃度的果汁飲品
一定要從可靠的途徑購買，唔好貪平
事關 BOTO 這個牌子都有假貨
倒出來的紅寶石果汁
味道酸酸甜甜，易入口
夏天的話，雪凍飲更好味
