一場來到東涌做 LuLu 豬打卡活動
一於食埋 Banchan and Cook X LuLu 豬主題餐先走
Banchan and Cook 就在打卡裝置樓上
walkin 好多人排隊，或者用 openrice 訂枱都得
5:30pm 開始晚市，大約食 90 分鐘
下一 round大約 6:15pm 開始入座
室內用餐置滿座就會安排餐廳外用餐
餐廳外都有一隻 lulu 豬擺設陪同食飯
不過餐廳欠缺衛生意識
傳菜就咁喺店內拎去店外，連用一個膠蓋遮一遮住都無
眼不見為乾淨
好 cute 的 lulu 豬限定 menu
本身 Banchan and Cook 出名在蛋包飯
加入 lulu 豬元素應該都不會差得去邊
甜品可以先落單，叫起後上
消費滿 $300 可以加 $50 換購口罩袋
實物在收銀機附近
口罩袋有 lulu 豬圖案，比一般的硬淨，不過就無咩人換購
lulu 豬咯咯雞蛋包飯
每枱都有點，廚師一日煮 N+1 份
lulu 豬飯蓋上了一張滑蛋被
一移開張蛋蛋被見到原來lulu 豬飯
並非只得上半身，仲有下半身
由豬頭到豬腳都是飯 🍚🍚
無想過飯的份量是這麼多
不過飯可以再加多少少蕃茄醬來調味 🍅
雞蛋好滑溜 🥚😋
雞髀上枱熱辣辣，一切有肉汁流出來 🍗
光食就無什麼味道，記住沾 d 照燒汁
無骨炸雞醬油蒜頭味 (半份)
糾結應該要 全份 VS 半份 炸雞
因為全份的價錢是半份的 2 倍 🐥🐥
推算全份的份量肯定好大
兩個人 share 蛋包飯已經食得半飽
幸好只要了 半份炸雞
事關 半份炸雞份量都不少
炸雞 x 8、韓式年糕 x 3 、一堆薯條
炸雞的炸皮未算好厚，咬落好多肉汁
薯條非常脆，份量十足，食到最後都仲係好脆 🍟
但是配完薯條，再配年糕就有少少不明所以
而且年糕都偏硬，感覺未煮得熟
食完蛋包飯和炸雞，個肚無空間再食 lulu 豬超蓬鬆牛角包窩夫
唯有下次先啦
甜蜜蜜 lulu 豬奶昔
是士多啤梨和香蕉味奶昔 🍓🍌
很多士多啤梨醬，撈埋味道都 ok
不過舖面的粉紅色粉，好藥水味
與奶昔攪拌之後味道就變返正常
杯的圖案原來是貼紙
見到職員逐個逐貼上去，有的並不貼得好實
可以搣返貼紙出來 😂
