讀書個時，已經在ig聽過呢個名！
終於，由 ig shop 等到開實體店
其中一間 IG 網店「旮旯」，開在深水埗西九龍中心
專賣麥糍和葛餅
到底什麼是麥糍？麥提莎肚臍(糍)？😂
機會黎啦！有得去深水埗啦！
12:00 開始賣， 數量有限，售完即止。
行快 d 啦喂
就是在西九龍 food court 個層
就在角落頭位 留意一下牆身的食物招紙
雞皮紙上有手寫 cute cute 字體
蝴豆花從未試過呢
☆★☆★☆★☆★☆★☆★☆★☆★☆★☆★☆★☆★☆★☆★☆★☆★
「旮旯」 應該要點讀呢？
有字讀字 無字讀邊
好明顯就係讀「九日日九」
收銀右邊的小擺設
區分開放式廚房和收銀前台
鐘上面有包公平貿易咖啡豆
就咁睇，一杯咖啡價錢應該有Starbucks level
到底有幾大杯呢？
☆★☆★☆★☆★☆★☆★☆★☆★☆★☆★☆★☆★☆★☆★☆★☆★
第一樣要介紹《麥糍》，即是麥提莎糯米糍！
麥提莎肚臍呀
味道方面可以選擇原味雲呢拿／抹茶味
話說去完日本，中了抹茶毒
我就揀左抹茶啦
另一個原因，當日雲呢拿停供應
《麥糍》真的是每日新鮮製作
買的時候店員會給客人一個牌號，然後可以行下商場轉個圈才回來取貨
另一個店員就會即場搓湯圓 (放心有戴手套的)
搓下糯米糍皮
糯米糍皮有驚喜
包一粒麥提莎
碌下日本京都宇治小山園抹茶粉
成品就用紙盒放好
貼一個長長的貼子封盒
包裝這個動作，令成件事都好日式
即製 + 包裝
大約等了 10 - 15 分鐘左右
即食的問題就是
呢頭pack 好
個頭開
好像有點浪費店員的心機
.
.
.
.
.
.
.
.
.
.
.
.
.
.
.
.
.
「 準備 1 2 3 開箱啦 」
到底第一眼是看到青苔綠色抹茶色
還是
一粒粒的《麥提莎肚臍》
明明＄38 只有 9 粒，有少少唔抵
紙盒 size 和《麥提莎肚臍》卻意外地好夾
空間大小剛好
粒粒都緊靠著
感覺這 ＄38 又抵返
好軟綿綿
佢就跌啦
「黑洞黎啦」
糯米糍比較細粒
咬下去，麥提沙已經自行脫落
糯米糍皮 還 糯米糍皮
麥提莎 還 麥提莎
加一點裹抹茶忌廉 / 純忌廉，可能會更好
糯米糍皮 > 忌廉 > 麥提莎 > 糯米糍皮
如果是買返屋企，可以雪一下才享用
記住要即日食曬
糯米糍皮長時間在雪櫃會失去水份
第二日就會失去軟綿綿的口感
☆★☆★☆★☆★☆★☆★☆★☆★☆★☆★☆★☆★☆★☆★☆★☆★
《 斑蘭水餅 》
東南亞的斑蘭 X 日本的水餅
到底是什麼樣的？
奇待 奇待
店員就遞了這杯野過來
er...................................
第一個反應：係咪中左伏？
第二個反應：成攤野咁？！
有種中途打開洗衣機的感覺
賣相 fail 無誤
店員：加左糖水、黑糖漿、煉奶。撈埋一齊就食得。
即是手動洗衣機模式
撥開攤白色野睇下
水餅滑溜溜
勉強取起一角來影相
順便取名為《 無脊椎斑蘭水餅 》
食落好有斑蘭味
以新鮮斑蘭葉煎成汁，並使用椰糖製作出椰糖水
如果你有食過斑蘭蛋糕，水餅就是那種味道
可惜的是，當日小店沒有時間將水餅放入雪櫃雪凍
通過加冰令水餅變凍
令味道淡咗
實在無方法可以影一張正正常常
唯有打斜少少
來一張對比圖
後圖就是吸引客人的銀包
銀包受到一點傷害
銀包受到一點傷害
☆★☆★☆★☆★☆★☆★☆★☆★☆★☆★☆★☆★☆★☆★☆★☆★
最後要介紹的是一系列咖啡及特飲
抹茶latte、朱古力、蝶豆花凍飲等等
一開始說過，小店用公平貿易咖啡豆
成本高了
自然反映在價格／質素／份量 身上
小店主打日本京都宇治小山園抹茶粉
（又要講多次這個長長的名字）
就點了《小山園抹茶鮮奶》
WoW！是貓貓／ 狐狸拉花抹茶 latte
老實說，買這杯真的是看在拉花的份上
肯定是用了鮮奶
並非奶粉
飲到底
意外地發現原來加了大量日本京都宇治小山園抹茶粉
都可以選擇熊熊，不過好多地方都有熊熊拉花啦
☆★☆★☆★☆★☆★☆★☆★☆★☆★☆★☆★☆★☆★☆★☆★☆★
小店的貼心 Do and Dont 溫馨提示
女仔最重要都是最後一個提示
ʕ ·ᴥʔ ʕ￫ᴥ￩ʔ ʕᴥ· ʔ ʕ ·ᴥʔ ʕ￫ᴥ￩ʔ ʕᴥ· ʔ ʕ ·ᴥʔ ʕ￫ᴥ￩ʔ ʕᴥ· ʔ
🍽️ 旮旯 Glock
📷 @corner_of__sweets
🌍 深水埗欽州街37號西九龍中心8樓58號舖
