記得有一排煲韓劇潮，有雜誌推薦了好幾間韓式餐廳 / cafe
今日終於試到其中一間大角咀韓式 My Ahjussi cafe！
落左 order 就會上埋泡菜前菜
泡菜不太辣，蔬菜裏面好有水份
魚糕湯 Fish Cake Soup
今日天氣超凍
見到 menu 上有魚糕湯，想起在南怡島凍到要食魚糕串保暖
雖然這裏魚糕湯是小食類
但份量都多，有兩串再加多幾片魚糕
魚糕有一片片的，亦有條狀和丸狀
口感上片比狀較好食，另外兩款比較實淨
魚糕湯有麻油和蔥粒，香得來又暖胃
韓式牛肉飯卷 Korean Beef Gimbap
同款牛肉飯卷另有素食牛肉版供應
飯卷多餡，米粒分明
可以沾麻油食，幾特別未試過咁食
韓式便當配 3 隻炸雞 Korean Lunch Box
便當好有便當的樣子，一個扁盒
一格飯，幾格蔬菜，一隻太陽蛋舖面
太陽蛋用來撈飯
炸雞要了甜辣醬，甜辣醬沒有好辣
雖然只有 3 隻，但是全部都有肉食
炸雞好食，炸皮不厚，有雞汁
其實 3 隻是不夠喉，下次可以直接叫半份 / 全份
焦糖爆谷拿鐵 Popcorn Latte
爆谷在 latte 上面堆到小山咁高
爆谷超級脆口，沾到焦糖醬味道更甜
部份爆谷浸在 latte，淋左口感反而更好
Cafe 店名叫 My Ahjussi ，我的大叔
天花舖滿白色花，幾有少女心
想必是想進來食野的少女要叫一聲：Ahjussi 😂
