大圍火車站新商場圍方 7 月 22 日開幕
商場超多人，所有餐廳都要排隊。經過家上海，見到自助取票仲有得拎飛，馬上取票，不得猶豫。
餐廳地方寬敞，侍應全部好有禮貌，open kitchen 師傅製作認真。
一入座，侍應會問你飲咩茶。有好多款茶揀：人蔘烏龍，香片，龍井，等等。
要了人蔘烏龍茶，開頭味道比較淡，浸多陣就茶味出來。
太雕醉乳鴿
一上枱就聞到好香酒味，乳鴿肉嫩滑，切得夠薄
蔥爆牛舌
好香鑊氣小炒味，牛舌有厚度，不會韌，好有牛肉味，牛舌份量都幾多
金牌小籠包
隔住小籠包皮都見到裏面好多湯汁，裏面肉餡大粒，好有豬肉味
上海擔擔麵
表面有好多小蝦皮，湯底小辣，花生味好香濃，麵條好順滑
荔枝蝦球
紅色脆卜卜粒粒裏面真係包住一個大蝦球，滿口蝦肉
開店優惠，兩個人以上就送金牌小籠包，四個人以上就送上海煙燻脆皮雞。
