因為疫情無得去旅行
不如試試 staycation，好幾個朋友試過都話好
睇中 馬哥孛羅香港酒店 Marco Polo Hongkong Hotel
staycation package 平均每人都是 $7XX
1️⃣ 客房可以免費升級至豪華海景客房
2️⃣ 包 3 餐： 龍蝦松露主題晚餐連紅酒 + 自助早餐 & 下午茶 + 黃昏雞尾酒
3️⃣ 生日月份入住更有免費蛋糕 (可以打包)
4️⃣ 有 bath tub 浸浴
ʕ ·ᴥʔ ʕ￫ᴥ￩ʔ ʕᴥ· ʔ ʕ ·ᴥʔ ʕ￫ᴥ￩ʔ ʕᴥ· ʔ ʕ ·ᴥʔ ʕ￫ᴥ￩ʔ ʕᴥ· ʔ
check-in 後直接去食 afternoon tea buffet
雖然是在酒店 17/F，不過餐廳無海景睇
以為是正式的 afternoon tea buffet
事實食物種類比較簡單，有點像半自助 buffet 那種
凍盤是輕食為主
蘋果酥只有微微的肉桂味，非常好
然後，一片芝士 / ham 配水果
當然，凍蝦肉爽配迷你菠蘿粒粒都好開胃
熱盤是炒飯和伊麵，不是太吸引
甜品以奶凍和 tart 為主
青綠色開心果和咖啡奶凍，都不錯
因應目前防疫措施，酒店將黃昏雞尾酒都一拼放在下午茶時段
所以有 free flow 氣泡酒、紅酒、白酒
唔好期望太高，不過想飲醉都可以 🤓
ʕ ·ᴥʔ ʕ￫ᴥ￩ʔ ʕᴥ· ʔ ʕ ·ᴥʔ ʕ￫ᴥ￩ʔ ʕᴥ· ʔ ʕ ·ᴥʔ ʕ￫ᴥ￩ʔ ʕᴥ· ʔ
食飽飽就正式睇下間房
一行入去就見到生日氣球佈置 😍
而生日帽就放在床上，仲有兩個吹 bb
而窗口望出去就是維港海景連日落
全獨家，唔洗同人迫，影相亦不需要顧及有無人攝鏡之類
ʕ ·ᴥʔ ʕ￫ᴥ￩ʔ ʕᴥ· ʔ ʕ ·ᴥʔ ʕ￫ᴥ￩ʔ ʕᴥ· ʔ ʕ ·ᴥʔ ʕ￫ᴥ￩ʔ ʕᴥ· ʔ
欣賞完日落過後，係時候迎接 in room dining 的來臨
選擇了第一輪送餐時間 (6pm - 7pm)
不過客人不會知道實際送餐時間，所以有機會要等足一個鐘
若然不想呆呆在房間等，可以讓 staff 將餐車直接推進房間
我們要了後者，然後火速落商場超市買少少野
不過買完野回來，dinner 都仍未出現
咁就睇住維港夜景先 😌
ʕ ·ᴥʔ ʕ￫ᴥ￩ʔ ʕᴥ· ʔ ʕ ·ᴥʔ ʕ￫ᴥ￩ʔ ʕᴥ· ʔ ʕ ·ᴥʔ ʕ￫ᴥ￩ʔ ʕᴥ· ʔ
7pm 前，In-room 3 courses Lobster Dinner 終於出現了！👏🏻
staff 將餐車推進來，然後打開變成圓枱 💫
main dish 放在枱底保溫箱裏面，會由 staff 取出來
之後會續碟食物講一講，最後客人要簽名確認
所有擺枱面的食物都有用保鮮紙包住
玻璃杯翻轉放，冰杯有紙蓋蓋住
staff 走個陣亦會拎走保溫箱，所以全程都乾淨衛生 💯
頭盤 Appetizers
Caesar Salad with Lobster Bites 龍蝦凱撒沙律
羅馬生菜夠爽脆，煙肉亦香脆
最特別在竟然是整個晚餐有最多龍蝦肉的地方
龍蝦肉並非肉碎 / 肉粒，而是完整的蟹鉗肉
為 dinner 帶來美好的開始
Lobster Soup with Caviar Cream 龍蝦湯
賣相與一般龍蝦湯無異，純淨多了一層泡泡
可能有隻龍蝦係裏面呼吸緊 🤔
聞一聞有好濃郁的龍蝦味
重要點是湯是熱的
不會因為要送上客房而變凍和質地變得水汪汪
因為是 three course dinner
所以頭盤是 soup / salad，每款一份都可以算是 why not both 🤣
主菜 Main Course
Grilled Salmon with Champagne Sauce and Lobster Mousse
香煎三文魚配龍蝦慕斯, 香檳汁
賣相認真，都有餐廳堂食的感覺
不過當 staff 從保溫箱拿三文魚出來時
都驚三文魚會侷到乾曬水
幸好一切開魚肉即刻有肉汁跑得來，魚肉滑溜溜
而三文魚和蘆筍中間應該是一層用龍蝦整的 mousse，味道上不會單調
Spaghetti with Lobster Salsa and Pan Fried Truffle meatballs
龍蝦沙沙, 松露肉丸意大利麵
意粉給人的感覺比較簡單，純粹煮完再加橄欖油撈一撈
所以意粉望落是 bling bling
松露肉丸有點乾身，如果有少少醬汁點來食就更好
應該是手工肉丸？每粒形狀不規則，食落有大大小小肉粒口感
Dessert 甜品
New York Cheesecake with Mandarin and Strawberry
純粹看 menu，以為只是 cheesecake 配果醬
實物竟然是以士多啤梨和柑舖面，水果甜而不酸
cheesecake 都食到芝士味，不過口感比較實淨
Tiramisu
一入口已經是濃郁的 expresso 咖啡味
不過芝士混合物層口感都比較實淨
可能因為要連同 main 一同送上客房，無得叫起後上
太 creamy 的話，有機會未食已經開始溶
所以將 Tiramisu 做成切餅的形態
即使是 in room dinning，西餐都有埋餐包
另外，晚餐包兩杯餐飲，自選咖啡／茶 ／汽水 ／鮮橙汁
(check-in 個陣 staff 會問埋想飲咩)
同時，staycation package 再送一支紅酒
Blowfish - Shiraz South Eastern Australia 2017
拿着酒杯望着萬家燈火的維港夜景，十分滿足
check-in 個陣 staff 有提及迎賓果盤會隨 dinner 附送
原來就是餐枱上的兩個柑... 笑左
ʕ ·ᴥʔ ʕ￫ᴥ￩ʔ ʕᴥ· ʔ ʕ ·ᴥʔ ʕ￫ᴥ￩ʔ ʕᴥ· ʔ ʕ ·ᴥʔ ʕ￫ᴥ￩ʔ ʕᴥ· ʔ
沒有限時的 in room dining
食完打去餐飲部就會有 staff 來收野，就可以落街行陣
不過 staff 解釋目前正值其他送餐時間 (7pm - 9pm)，安排人手都需要時間
不介意的話可以自行將圓枱收好推出房間外
staycation 連同臨時餐飲部工作體驗環節 🤣
問題不大，同層都有好幾間客房也是一樣
行完街回來，客房出面的全部餐車都已經收走
走廊沒有食物味道，地面亦很乾淨 👍🏻
ʕ ·ᴥʔ ʕ￫ᴥ￩ʔ ʕᴥ· ʔ ʕ ·ᴥʔ ʕ￫ᴥ￩ʔ ʕᴥ· ʔ ʕ ·ᴥʔ ʕ￫ᴥ￩ʔ ʕᴥ· ʔ
行完街就是時候浸浴放鬆下 🛁
雖然客房的 bath tub 都是看得到的乾淨
當然用之前最好自行再清洗乾淨
都沒有網民在其他酒店發現有上手殘留 bath bomb 粉末令水變得渾濁不堪
浸完浴一定要食野 / 飲野補充流失水分
食雪糕就最好不過！(剛才去 Don Don Donki 買的)
ʕ ·ᴥʔ ʕ￫ᴥ￩ʔ ʕᴥ· ʔ ʕ ·ᴥʔ ʕ￫ᴥ￩ʔ ʕᴥ· ʔ ʕ ·ᴥʔ ʕ￫ᴥ￩ʔ ʕᴥ· ʔ
浸完浴舒舒服服，正當準備睇多陣電視就瞓覺時
聽到出面有人敲門嗌：room service
咦？！無打電話叫 room service 啵
敲門聲和個個人都嗌得不算大聲
純粹個一刻間房靜左，所以聽到
到底是咪自己聽錯 or 有 👻？
一打開門，staff 就遞上生日蛋糕🎂 ！！！ 🎉
第一下是呆左，唔識俾反應
回神過後，見到生日牌上面有個熟識的名字 😃
除了蛋糕，還有 Prosecco 🍾
真係事前完全無走漏風聲，連 check-in 個陣都無
酒店果然夠貼心，夠曬 surprise 🥰
生日蛋糕是個簡單的 cheesecake (是 dinner 那款)
而 Prosecco 是意大利產的 Terre di Sant'Alberto Prosecco
有 d 擔心飲唔曬，不過好易入口
微氣泡中有甜亦有少少酸，同 cheesecake 都幾配
望下夜景，再睇下電視慢慢，就成支飲曬
ʕ ·ᴥʔ ʕ￫ᴥ￩ʔ ʕᴥ· ʔ ʕ ·ᴥʔ ʕ￫ᴥ￩ʔ ʕᴥ· ʔ ʕ ·ᴥʔ ʕ￫ᴥ￩ʔ ʕᴥ· ʔ
第二天一早醒來見到個海景真係好治癒身心都很舒暢
時間早到酒店下面停車場都未有車泊進來
(下次找另一間可以看日出的)
食物有中日韓西式比昨天的 afternoon tea buffet 豐富
現場即製的奄列幾好食，好多人排隊
另有蒸點心，一出籠就無火速沽清
ʕ ·ᴥʔ ʕ￫ᴥ￩ʔ ʕᴥ· ʔ ʕ ·ᴥʔ ʕ￫ᴥ￩ʔ ʕᴥ· ʔ ʕ ·ᴥʔ ʕ￫ᴥ￩ʔ ʕᴥ· ʔ
12:00pm 先要 check-out
食完早餐仲有時間浸多次浴 😉 和欣賞多陣海景
早上下午黃昏夜晚，每一個時份看海都有着不同的感受
最後，生日月份入住亦會有免費生日蛋糕 (是半夜食的那款 cheesecake)
若不即時享用，可以請 staff 連同蠟燭打包
staff 就會在 check-out 之前送上房間
然後，結束兩日一夜的 生日 Staycation 😭
ʕ ·ᴥʔ ʕ￫ᴥ￩ʔ ʕᴥ· ʔ ʕ ·ᴥʔ ʕ￫ᴥ￩ʔ ʕᴥ· ʔ ʕ ·ᴥʔ ʕ￫ᴥ￩ʔ ʕᴥ· ʔ
第一次體驗酒店 staycation
純粹食食食和享受靚景，加上酒店的 birthday surprise
心情係好 chill 好 relax，那些 心煩的事情完全可以忘記
強烈建議大家考慮 book 返晚食野玩下
🛏️ 尖沙咀馬哥孛羅香港酒店 Marco Polo Hongkong Hotel
🛒 KKDay
