圍方平日夜晚時段仍然多人行，連鎖蛋糕店主要集中在 4/F。
路過意大利番茄
見到有「第 3 件件裝蛋糕半價」快閃優惠，望望凍櫃，仲有切餅可選，就揀 3 件啦！
要了特濃朱古力蛋糕、日本栗子蛋糕、焦糖香蕉撻
特濃朱古力蛋糕
朱古力忌廉和朱古力醬做出非常濃郁的朱古力味
朱古力海綿蛋糕夠鬆軟
味道上永遠不會令人失望
不過今次蛋糕切得較其他分店細件
日本栗子蛋糕
最頂的那粒原粒栗子，未食望落都甜甜地
呀！個栗子真係太甜啦
食落去裏面好似空心咁，淨係食到的糖水
不過海綿蛋糕夾層裏面的栗子碎份量多，反而仲好食
撇開那粒超級甜跳過糖水的栗子
蛋糕整體上是不會太甜，平衡得幾好
焦糖香蕉撻
聞落是好香焦糖味，忌廉亦不算多
不過口感就差少少
最大問題是香蕉好生好硬的
有香蕉的香味，但無香蕉的甜味
好彩朱古力曲奇撻底仍然是脆的，補返少少分
除了蛋糕優惠，仲有買水蜜桃優惠
只要買任何蛋糕產品
都可以加 $88 買一盒 2 隻「日本山梨縣產白桃」
水蜜桃從山梨縣送達，size 都偏大，重手
全部都 pack 好在膠盒內
雖然無得揀，價錢上是抵買
味道就要等多幾日熟多d 先知
